ЫНТЫМАҚТАСТЫҚ ТУРАЛЫ КЕЛІСІМ – ШАРТ
Саяси қуғын-сүргін құрбандарын толық ақтау жөніндегі жұмыстар бойынша Жамбыл облысы мемлекеттік архивінің директоры К.Сәттібаев, бөлім басшысы С.Зейнуллаұлы, Тараз қалалық мемлекеттік архивінің директоры Н.Серікбаев 3-5 қараша күндері Шымкент қаласындағы Түркістан облысы мемлекеттік архиві мен Қоғамдық саяси тарих архивінде іс-сапарда болды.
Іс-сапар барысында алдымен облыстық архивтің басшысы К.Сәттібаев пен «Түркістан облысының мемлекеттік архиві» коммуналдық мемлекеттік мекемесінің басшысы А.Исатаева Қазақстан Республикасының заңнамаларына қайшы келмейтін бірлескен жобаларды, ғылыми-практикалық конференцияларды, дөңгелек үстел, құжаттар көрмесін ұйымдастыруды, ақпараттық қызмет көрсету және түрлі мәселелер бойынша түсінік беруді ұйымдастыру жөнінде өзара келісім-шартқа қол қойды.
