ТҮРКІСІБ ШЕЖІРЕСІНЕН..

Түркістан-Сібір темір жолының құрылысы 1927 жылы басталып, 1930 жылғы 1 майда аяқталды. Оның құрылысына кең байтақ елеіміздің түкпір-түкпірінен сан мыңдаған адам қатысты. Сондықтан Түркісіб- бүкілхалықтық құрылыс. Бірінші бесжылдықтың тұңғыш перзенттерінің бірі деп айтуға болады.

1927 жылы Түркістан-Сібір темір жолын салу жөніндегі хабар қазақ ауылдарына тез тарап кетті. Қалалар мен ауылдардан құрылысқа сан мыңдаған адамдар тартылды. Жалпы ұзындығы 1,440 километр келетін Түркісіб жолының құрылысы семейден басталып Аягөз, балхаш, Үштөбе, Алматы, Шоқпар асуы арқылы Луговойға дейін белгіленді. Бұл аралықта көпетеген елдімекендер пайда болып, еңбек майданы қызды. Республикамыздың күре тамырына айналған темір жолда Жамбыл жол бөлімшелерінің теміржолшылары қайраттана еңбек етті.