Қазақстан Республикасының Мәдениет және ақпарат министрлігі «Электронды құжаттардың бірыңғай архиві» ақпараттық жүйесінің жұмысын тиімді жүргізу мақсатында семинар өткізілді.
Астана қаласындағы Қазақстан Республикасы Ұлттық архивінің базасында өткен семинар-кеңесте электрондық құжаттарды ЭҚАБЖ-дан «Е-архив» АЖ-ның «Ведомстволық архив» модуліне миграциялау, Жамбыл және Солтүстік Қазақстан облыстары архившілері өз тәжірбиелерімен бөлісті.
Іс-шара барысында «Е-архив» АЖ-ны техникалық сүйемелдеуді қамтамасыз етуші «Iserv» ЖШС-інің қатысуымен жүйе пайдаланушыларға электрондық құжаттардың құндылығына сараптама жасау, мемлекеттік сақтауға қабылдау тәртібі туралы оқыту жүргізілді.
Кеңеске Жамбыл облысы әкімдігінің цифрландыру және архивтер басқармасының маманы А.Кисикова, облыстық архивтің бөлім басшылары Г.Кулибаева, А.Қыстаубай, архившілер Л.Кузенбаева, Л.Жуматаева қатысты.
Архив, құжаттама және кітап ісі комитетінің төрағасы Рустам Алиұлы, Мемлекеттік саясат және нормативтік-құқықтық реттеу басқармасының басшысы С.Тащанова, Ұлттық архив қорын пайдалану және мемлекеттік қызметтер басқармасының басшысы Х.Даулетбаева ақпараттық жүйенің жұмыстары туралы айтты.
