ҚАЗАҚСТАН РЕСПУБЛИКАСЫ ПРЕЗИДЕНТІНІҢ АРХИВІ ЕЛОРДАҒА АУЫСТЫ
Алматы қаласында орналасқан Қазақстан Репсубликасы Президенті архиві Мемлекет басшысының арнайы тапсырмасымен Елордамыз Астана қаласындағы жаңа ғимаратқа көшірілді. Жаңа, заманауи жабдықтармен жабдықталған ғимаратты Президент Қасым-Жомарт Кемелұлы арнайы келіп аралады.
Қазақстан Республикасының Президенті архиві – 1918 жылдан бері келе жатқан еліміздің тарихы мол жинақталған іргелі архивтердің бірі. Мұнда еліміздің Тәуелсіз мемлекет ретінде қалыптасуы, сыртқы және ішкі саясаты, халықаралық қатынастары, экономикалық қайта құру үрдістері мен әлеуметтік-мәдени дамуы бойынша материалдар бар.
Ал жаңа ғимарат ел тарихына қатысты құжаттар сақталатын орын ғана емес, білім және ғылыми-әдістемелік кешен ретінде қызмет көрсететін Орталық Азиядағы алғашқы архив болмақ.
Арнаулы ғимаратта құжат сақталатын қоймалар, зертханалар, интерактивті экспозиция және оқырман залдары, жұмыс бөлмелері мен әкімшілік аумақ орналасқан. Мұндағы 24 архив қоймасы қағаз жүзіндегі құжаттарды, дыбыстық-бейнелік жазбаларды сақтауға, сондай-ақ шағын таспалардағы және электрондық құжаттарды сақтандыру қорын орналастыруға арналған.
