Облыстық “Знамя труда” газетінің №112 санына “Пример для миллионов: Немеркнущее имя героя” атты мақала жарық көрді.
Онда “Жамбыл облысының мемлекеттік архиві” мекемесі қызметкерлерінің ұйымдастырумен өткен Кеңес Одағының Батыры, қаһарман қолбасшы, аты аңызға айналған адам Бауыржан Момышұлының туғанына 110 жыл толуына орай атқарылған іс-шаралар айтылады.
Батыр Баукеңнен қалған тарихи құжаттар туралы сыр шертіледі.
Короновирустық аурудың әрі мекемені түрлі зиянкестерден қорғау мақсатында облыстық архивтің екі ғимаратында дезинфекциялау жұмыстары жүргізілді.
«ЕР БАУЫРЖАН ЕСІМІ ҰМЫТЫЛМАЙДЫ» атты дөңгелек үстел өтті.
Биыл алдағы желтоқсан айында батыр бабамыз, Ұлы Отан соғысының қаһармандарының бірі, Кеңес Одағының Батыры, жазушы Бауыржан Момышұлының туғанына 110 жыл толмақ. Осынау мерейлі дата қарсаңында Жамбыл облысы мемлекеттік архиві «Ер Бауыржан есімі ұмытылмайды» атты дөңгелек үстел өткізуді жөн деп тапты.
Бауыржан Момышұлы біздің өңірдің тумасы. Жуалы жерінде дүниеге келген ол қазақ халқының даңқын алысқа шығарған асыл перзенттердің бірі бола білді. Бауыржанның туған жері, өскен ортасы, ұшқан ұясы жайлы деректер мен дәйектер Жамбыл өңірінде жеткілікті. Облыстық архивте Бауыржан Момышұлының жеке тектік құжаттары сақталған. Сондай-ақ, батырдың 60 жасқа толуына орай атамекені Жуалы жерінде өткен кездесулерінен фото суреттері бар. Аталмыш іс-шара барысында «Ер Бауыржан есімі ұмытылмайды» атты фото-құжаттар көрмесі ұйымдастырылған. Көрмеде сонымен қатар, Жуалы аудандық атқару комитеті құжаттарының арасында Баукеңнің жауапты хатшы қызметін атқарған кезіндегі қол қойған қолы, анкетасы (көшірме), марапаттаулары қойылған.
Ұлы Отан соғысының қаһарманның бірі, ержүрек қолбасшы, қазақтан шыққан тұңғыш әскери жазушы Бауыржан Момышұлының өлмес мұрасын саралап, тағы бір рет ой елегінен өткізу болып табылады. Жалпы Ұлы Отан соғысының тарихы әлі толықтай зерттеліп біткен жоқ. Баукеңнің майдан жайлы естеліктерінен, қаһарманның өзі жайлы жазылған туындылардан соғыстың ауыртпалығын танып білуге болады. Іс-шара мақсаты осы мақсатқа бағытталған.
Жиынға Жамбыл облыстық ардагерлер кеңесінің төрағасы Еркінбек Солтыбаев, қоғам қайраткері Оңласын Есіркепов, өлкетанушы Мәскеу Ноқрабеков, М.Х.Дулати атындағы Тараз мемлекеттік университетінің әскери кафедрасының оқытушысы, майор Құрманбек Оңалбеков, «Бауыржантану» ғылыми-зерттеу орталығының аға қызметкері Әлімбай Найзабеков, журналист Жарылқаысн Нұрәлиев, ақын Есет Досалы және қалалық, аудандық архив директорлары мен БАҚ өкілдері қатысты.
Дөңгелек үстелді облыстық архивтің директоры Көсемәлі Сәттібаев ашып, батыр Бауыржанға арналған фото-құжаттар көрмесімен бөлім басшысы Сағындық Зейнуллаұлы таныстырып өтті.
Дөңгелек үстелге қатысушылар өз ойларымен бөлісті. Облыстық ардагерлер кеңесінің төрағасы Еркінбек Солтыбаев батырдың Алматы қаласында өткен 70 жылдық мерей тойы жайлы естеліктер айтып, Баукеңнің өр рухы қазіргідей жастар арасында патриоттық тәрбиені жүргізуге аса қат екендігін тілге тиек етсе, өлкетанушы М.Ноқрабеков Бауыржан Момышұлының ана тілімізге сонау соғыс жылдардың өзінде алаңдаушылығын білдіріп, ұлт зиялыларының қаперіне салғандығын ұлтжандылыққа балады.
Қоғам қайраткері О.Есіркепов Баукеңнің өзінің туған жері Б.Момышұлы ауылындағы еңселі ескерткішінің бір тасада қалғандығын, Тараз-Шымкент күре жолының бойында еңселі жерге орнатса деген тілегін жеткізді. М.Х.Дулати атындағы Тараз мемлекеттік университетінің әскери кафедрасының оқытушысы, майор Қ.Оңалбеков Тараз қаласындағы «Жеңіс» саябағының Ұлы Отан соғысының құрбандары мен қатысушыларына арналған керемет ескерткіш екендігіне тоқталып, осындағы «Даңқ» музейінің аға-ұрпақтың ерен ерлігіне кейіңгі ұрпақтың танып білуіне ұшан-теңіз үлес қосатындығын жеткізді. Жас Отан қорғаушыларды патриоттық тәрбиеге тәрбиелегенде батыр Баукең бабамыздың ғұмыры, соғыстағы ерлігі, бейбіт өмірдегі қалам қызметі өнеге екендігін баса айтты.
«Бауыржантану» ғылыми-зерттеу орталығының аға қызметкері Ә. Найзабеков Баукеңнің мол мұрасын зерттеп тану бағытындағы атқарылып жатқан жұмыстарға тоқталды. Баукең жайлы 30 томдық кітап жарық көрді. Енді алдағы оның жалғасы таба бермек.
Кеңес Одағының Батыры-даңқты қолбасшы Бауыржан Момышұлының туғанына 110 жыл толуына орай өткізілген –Жамбыл облыстық мемлекеттік архивінің ұйымдастырған дөңгелек үстелі мағыналы да мәнді өтті.
«Жамбыл-Тараз» қалалық қоғамдық-саяси газетінің №36 санында «Мемлекеттік қызмет жоғарғы деңгейде атқарылуда» атты мақала жарық көрді.
Жамбыл облысы мемлекеттік архивіне жаңа басшы тағайындалды. Жазушы, журналист Көсемәлі Сәттібайұлын облыстық архив ұжымына облыс әкімдігінің мәдениет, архивтер және құжаттама басқармасының басшысы Дүйсеналы Бықыбаев таныстырып, жұмысына сәттілік тіледі.
Осы мекемеде ұзақ жыл еңбек еткен Қалдыкүл Башенова Байзақ аудандық мемлекеттік архивіне директор қызметіне тағайындалды.