Қазақстан Республикасы Мәдениет және ақпарат министірлігінің Архив, құжаттама және кітап ісі комитетінің бастауымен өтіп жатқан «Архив ісі және құжаттама саласындағы заңнама мен нормативтік құқықтық актілердің нормаларын түсіндіру» өңірлік семинарының 3-ші күні Жамбыл облысының мемлекеттік архивінде жалғасын табуда.

Семинарға Түркістан, Қызылорда, Жамбыл облыстық, Алматы, Шымкент, Тараз қалалық, аудандық архив мекемелерінің басшылары мен мамандарынан тұратын жалпы саны 50-ге жуық адам қатысты.

Семинар барысында Салтанат Нұртасқызы мемлекеттік және мемлекеттік емес ұйымдарда құжаттама жасау, құжаттаманы басқару және электрондық құжат айналымы жүйелерін пайдалану қағидалары, Ұлттық архив қорының құжаттарын және басқа да архивтік құжаттарды ведомстволық архивтердің қабылдау, сақтау, есепке алу мен пайдалану қағидаларына түсініктеме беріп, слайд арқылы түсіндірді.

Хорлан Дәуренқызы «Электронды үкімет» веб порталы, «Азаматтарға арналған үкімет», «Электронды құжаттардың бірыңғай архиві» автоматтандырылған ақпараттық жүйесі туралы айтып, мемлекеттік қызмет көрсетудің негізгі принциптерін айтып өтті.

Әр өңірден келген мекеме басшылары мен аудандық архив директорлары шара соңында сұрақтарын қойып, пікір алмасты.

Қазақстан Республикасы Мәдениет және ақпарат министрлігінің Архив, құжаттама және кітап ісі комитетінің ұйымдастыруымен үстіміздегі жылдың 14-15 қараша күндеріі Тараз қаласы «Бақытты болашақ» оқушылар сарайында «Архив ісі және құжаттама саласындағы заңнама мен нормативтік құқықтық актілердің нормаларын түсіндіру» өңірлік семинары өтті. Семинарға Түркістан, Қызылорда, Жамбыл облыстық, Алматы, Түркістан, Қызылорда, Шымкент, Тараз қалалық, аудандық архив мекемелерінің басшылары мен жергілікті ведомстволық архив мекемелері жалпы саны 400-ге жуық мамандар қатысты.

Семинардың негізгі мақсаты архив мекемелері қызметкерлерінің біліктілігін арттыру, сондай-ақ практикалық тәжірибемен алмасу болып табылады.

Іс-шараның негізгі спикерлері Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Мемлекеттік саясат және нормативтік-құқықтық реттеу басқармасының басшысы Тащанова Салтанат Нұртасқызы мен Ұлттық архив қорын пайдалану және мемлекеттік қызметтер басқармасының басшысы Даулетбаева Хорлан Дәуренқызы болды.

Салтанат Нұртасқызы «Архив ісі саласындағы нормативтік құқықтық актілер» тақырыбында баяндама жасады. Баяндама барысында өзгерген және күшін жойған заңдар мен қаулылар, уәківлетті органның бұйрықтары, заңнаманы жетілдіруге бағытталған нормалар жөнінде түсіндірді.

Хорлан Дәуренқызы «Архив ісі саласындағы мемлекеттік қызметтерді көрсету» тақырыбында баяндама жасады. Баяндамасында архив ісі саласындағы мемлекеттік қызметтерді реттейтін нормативтік құқықтық актілер , архив ісі саласында көрсетілетін мемлекеттік қызметтер, архивтік анықтамалар, архивтік құжаттардың көшірмелерін немесе архивтік үзінділер беру, мемлекеттік қызметті көрсету жолдары, қазақстан республикасының әкімшілік рәсімдік-процестік кодексі, мемлекеттік қызметке қатысты негізгі түсініктер, қызметті көрсету тәртібі, нысаны, нәтижесі мен көрсету процесіндегі өзгерістер жөнінде тоқталды.

Жалғасы