«КЕҢЕС ОДАҒЫНЫҢ БАТЫРЛАРЫ» атты тақырыпта дөңгелек үстел

Жамбыл облысы мемлекеттік архивінің Мәжіліс залында Оқушылар сарайы «Туристік өлкетану» үйірмесі оқушыларының қатысуымен «КЕҢЕС ОДАҒЫНЫҢ БАТЫРЛАРЫ» атты тақырыпта дөңгелек үстел өткізілді.
Іс-шара аясында жамбылдық батырлардың өмірбаяндық деректері, КСРО Жоғарғы Кеңесі Президиумының наградтау туралы бұйрықтары мен жарғылары, жамбылдық Кеңес Одағы Батырларының тізімі, батырларға қатысты жинақталған мәліметтер, газет қиындылары мен Жамбыл жерінде жасақталған әскери құрамалар, Кеңес Одағы батыры атағына ұсынылған 8 жамбылдық майдангерлер, облыстық архив сақтауындағы 1941-1945 жылдар аралығында соғыс тақырыбына қатысты көрме құжаттары таныстырылды.
Оқушылармен бірге Ұлы Отан соғысы жылдарында ерлігімен Жеңіс күнін жақындатқан даңқты қолбасшы Б.Момышұлы, Н.Белашев, В.Вишневецкий, А.Дәулетбеков, С.Естемесов, Б.Конев, Д.Кавешников, Ф.Кердань, А.Суханбаев, С.Сущев, Я.Тюлькин, Н.Фазлаев, П.Томасевич, И.Трубицин, М.Фаязов, С.Шәкіров, С.Ларионов, Д.Ф. Пахомов, В.Савва, А.Сорокиндердің өмірбаяндары мен ерліктерін оқып, зерделеді.
Дөңгелек үстел басында сөз алған үйірме жетекшісі А.Крокошева КСРО кезінде Кеңес Одағының Батыры атағын 12 862 адам алса, оның 3266-на қайтыс болғаннан кейін, ал 154 адам бұл атақпен екінші мәрте марапатталғандығын айтты.
Өткізілген іс-шарамыздың мақсаты архив құжаттарын пайдалана отырып, жас ұрпақты өңіріміздің тарихын зерттеуге тарту, өткен тарихты зерделеуге, Отанға деген патриоттық сезімін ояту, архив құжаттарын насихаттау, «архивист» мамандығының маңыздылығы мен қызығушылықты арттыру, өскелең ұрпақты ғылыми –зерттеу жұмыстарына бағдарлау болып табылады.


“Архив-2025” бағдарламасы бойынша Қордай ауданының мемлекеттік архивінің жаңа ғимаратының ашылу салтанаты



Жамбыл облысы мемлекеттік архив директорының орынбасары А.Тыныбекова архив саласына сіңірген еңбегі үшін ҚР мәдениет және ақпарат министрлігінің Құрмет грамотасымен марапатталды.



ҚОРДАЙ АУДАНЫ МЕМЛЕКЕТТІК АРХИВІ ҒИМАРАТЫНЫҢ АШЫЛУ САЛТАНАТЫ

Архив – мемлекеттік маңызы бар тарихи құжаттарды сақтайтын мекеме. Шежіреге толы, халқымыздың өткені мен бүгінгі асыл қазынасы.
Қордай ауданының мемлекеттік архиві аудандық атқару комитетінің 1987 жылы 8 қаңтардағы шешімімен «Қордай ауданының атқару комитетінде жеке құрам бойынша шаруа есептік архиві» болып ұйымдастырылды.
Мекеме «Ұлттық архив қоры және архивтер туралы» 1998 жылғы 22 желтоқсандағы №326-1 ҚР Заңын, «Архив-2025» жобасын іске асыру жөніндегі іс-шаралар жоспарын, архив саласын дамыту, қызметін жетілдіру, архивтік құжаттарды цифрлық форматқа көшіру мен электронды архив жүйесін енгізуді және аудандағы кәсіпорындар мен ұйымдардың, совхоздар мен колхоздардың архивтік құжаттарын мемлекеттік сақтауға алып, азаматтар мен мекемелердің әлеуметтік –құқықтық және басқа да сұранымдарына жауап береді. Қазіргі таңда мекеме қорында 180 қор, 52836 сақтау бірлігі есепте тұр.
Архив қоймаларының жалпы толу дәрежесі 88℅, бүгіңгі күнге 1 облыстық, 7 аудандық архив қоймалары 100 ℅ толған. Қазіргі уақытта құжат қабылдауға мүмкіншілік жоқ. Осыған орай, заманауи типтік тұрғыда Қордай ауданының архивіне жаңа ғимарат салынды. Архив ғимараты 2 қабаттан тұрады. Жалпы ауданы 821,5 шаршы метрді құрайды. Бірінші қабатта: 1 қойма, 1 құжаттарды қабылдау бөлмесі, 1 қызметкер бөлмесі орналасса, екінші қабатта 1 қойма, 1 конференц залы, 5 қызметкерлер бөлмесі мен 1 құжаттарды қайта қалпына келтіру (реставрация) бөлмесі орналасқан.
Жаңа ғимараттың ашылу салтанаты басшылардың лентаны қию рәсімімен басталып, Қордай аудандық мемлекеттік архивінің тыныс-тіршілігімен, атқарған жұмыстарымен және ғимарат ішкі көріністерімен тамашалаумен жалғасты.
Ғимараттың екінші қабатында архив қорында сақтаулы Д.Қонаевтың Қордай жеріне жасаған іс-сапарлары, халық ақыны, күміс көмей әнші әрі композитор Кенен Әзірбаевтың жеке, отбасылық суреттері, Қордай жерінің топырағы жөніндегі экспедициялық карта, аудандық өнеркәсіп комбинаты, мәдениет үйі, қонақ үйі құрылысы, 1970 жылы салынған Кожкомбинат клубы, аудандық аурухана, автомобилді базасы, Георгиевка су электр станциясының бөгеті, су электр станциясының ғимараты, кожкомбинат жұмысшысы тері өңдеу сәті, 1930 жылғы Шөміш плотинасын салу жобасы секілді құжаттар көрмесі көрсетілді.
Іс-шараға Қордай ауданының әкімі Болатбеков Бекзат Сейсенқұлұлы, аудандық «Аманат» партиясының төрағасы Жамангозов Бейқұт Тлебалдыұлы, Архив, құжаттама және кітап ісі комитеті төрағасының орынбасары Қарсақбаева Гүлзира Елібайқызы, Жамбыл облысы, Қордай ауданының зиялы қауым өкілдері, Алматы, Қызылорда, Түркістан, Жамбыл облыстық архивтерінің басшылары, Алматы, Шымкент, Тараз қалалық және аудандық архивтерінің басшылары, облыстық архив саласының ардагерлері және жергілікті БАҚ өкілдері қатысты.


Жамбыл облысы мемлекеттік архив директорының орынбасары А.Тыныбекова архив саласына сіңірген еңбегі үшін ҚР мәдениет және ақпарат министрлігінің Құрмет грамотасымен марапатталды.



22 желтоқсан –Архив күні.

Жалпы архив ежелден пайда болған. Оған баз-бір мемлекеттерде бар адамзат игілігіне айналған көне де құнды жазба дүниелері десек жарасады. Тарихта өткен дәуірлерге жүгіну үшін тарихи көне жәдігерлер баршылық. Қазақ даласында да бай кітапханалар болған. Олар шапқыншылық кезінде талан-таражға ұшырап, немесе қираған сарайлар астында қалған. Оған Тараз, Отырар, Сауран т.б. шаһарлардың бастан кешкен аянышты тағдырлары куә.
Өркениетке ілескен Қазақстанда архив саласы даму үстінде. Мемлекет тарапынан көңіл бөлініп отыр. Онда халқымыздың тарихына байланысты, әр дәуірдегі баға жетпес құнды құжаттар баршылық . Тәуелсіз Қазақстанның жасампаз тарихи сәттері де архив төрінен орын алуда.
Архив күні құтты болсын, құрметті әріптестер!!!


“АРХИВ-2025: НӘТИЖЕЛЕР МЕН МӘСЕЛЕЛЕР” атты ғылыми-тәжірибелік конференция

Еліміздің бас қаласында Қазақстан Республикасы Мәдениет және ақпарат министрлігі Архив, құжаттама және кітап ісі комитеті, Қазақстан Республикасының Ұлттық архивінің ұйымдастыруымен ” Шетелдегі Қазақстанға қатысты құжаттарды анықтау, көшіру, цифрлау және жариялау проблемалары мен перспективалары” тақырыбында іс-шара өтті. Конференция барысы Архив, құжаттама және кітап ісі комитетінің төрағасы Қ.Бораштың құттықтау сөзімен ашылып, “АРХИВ-2025” бағдарламасы бойынша шетел архивтерінде табылған құжаттар бойынша баяндама оқылды.