«Е-ЗАҢ КӨМЕГІ» ЗАҢ КӨМЕГІНІҢ БІРЫҢҒАЙ АҚПАРАТТЫҚ ЖҮЙЕСІ

Бүгінгі таңда, азаматтардың заң көмегін көрсету үшін жүгіну үрдісі оны алу құралдарына оңай және уақтылы қол жеткізуді талап етеді.

«Адвокаттық қызмет және заң көмегі туралы» Заңының (бұдан әрі – заң) 24-бабына сәйкес заң көмегінің бірыңғай ақпараттық жүйесі адвокаттық қызметті және Заң консультанттарының қызметін автоматтандыруға арналған ақпараттық жүйе болып табылады.

Заң көмегінің бірыңғай ақпараттық жүйесі «Е-Заң көмегі» ақпараттық жүйесі (бұдан әрі – АЖ) болып табылады.

АЖ заң көмегін көрсететін тұлғалар үшін де, оны алатын азаматтар үшін де функционалдылықтың үлкен спектрін қамтиды.

Мысалы, АЖ кез-келген пайдаланушыға, соның ішінде iOS және Android платформаларында қол жетімді қосымша арқылы өмірлік жағдайларды шешу үшін заңды қоғамдастыққа құқықтық сұрақтар қоюға мүмкіндік береді.

Сонымен қатар, Заңның 26-бабының 2-тармағында көрсетілген адамдар үшін онлайн, оның ішінде мобильді қосымша арқылы құқықтық кеңес алу функционалы көзделген (бұл ретте АЖ кейбір тармақтары бойынша азаматтың ХӘОТ тиісті санатына жататынын автоматты түрде айқындайды).